Павлодар облысының білім беру басқармасы

Электрондық поштасы - kense.do@pavlodar.gov.kz

Қабылдау бөлмесі – 8 7182 32-09-65

Сенім телефоны:
8 7182 320560

 

Құрметті Ата-аналар, ұстаздар, оқушылар!

Бүгін барлық қазақстандық түлектер үшін мектеппен қоштасуға арналған атаулы мереке. Сондықтан сіздерді соңғы қоңырау мерекесімен шын жүректен құттықтаймын!



    Осыдан 11 жыл бұрын тарыдай болып мектеп табалдырығын аттаған балалар бүгін таудай болып үлкен өмірге қадам басып отыр.
    Әр мектепте соңғы қоңырау мерекесі – бұл мектеп тарихына енетін көңілді әрі қуанышты оқиға.
   Түлектер өздерінің 11 жыл білім алған алтын ұяларымен қоштасса, ұстаздар өздерінің сүйікті шәкірттерін өмірге қанаттандырады.
    Барша жас түлектерді алда үлкен сын күтіп тұр. Барлықтарыңызға Ұлттық Бірыңғай тестілеуден абыроймен өтіп, Қазақстанымыздың білікті маманы атануларыңызға тілектеспін. Ал мектептегі алғашқы жылдарын сәтті аяқтап, бірінші сыныптан екінші сыныпқа аяқ басқан жас бүлдіршіндер мен барлық мектеп оқушыларына жазғы демалыстарын жақсы өткізіп, күш жинап, жайдары көңіл күймен жаңа оқу жылына оралуларыңызға тілектеспін.
    Сіздер бүгін үлкен өмірге жолдама алғалы тұрсыздар. Елбасы Нұрсұлтан Әбішұлы Назарбаев жас ұрпақ тәрбиесіне, білім беру ісіне ерекше назар аударып, Сіздердің сапалы білім алып, үлкен азамат болуларыңыз үшін барынша жағдай жасап отыр. Білімді, көзі ашық, көкірегі ояу болуға ұмтылу – біздің қанымызда бар қасиет -деп Ел басымыз айтқандай , бұл – рухани жаңғыруымыздың басты негіздерінің бірі.
  Үш тілді жетік меңгеріп, рухани бай, білімді азамат болыңыздар. Сосын мәпелеген ата-ана, білімге баулыған ұстаздарыңызды қадірлей біліп, солардың үмітін ақтауға тырысыңыздар. Бір сөзбен айтқанда еліміздің болашағы – Сіздердің қолдарыңызда.  Сондықтан да қай кезде де терең білім алу жолында жалықпай, талмай ізденіп, ел тізгінін ұстайтын азамат болуларыңызға шын жүректен тілектеспін. Ақ жол.


Құрметпен,
Қазақстан Республикасындағы
Бала құқықтары жөніндегі уәкіл                                                         З. Балиева

 


 

Жас шеберлердің шахматтан қалалық турнирі

   Павлодар қаласының № 41 денешынықтыру-сауықтыру бағытындағы № 41 ЖОМ-да 2017 жылғы ақпанның 3 - 4 күні шахматтан «Белая ладья» атты командалар біріншілігі жүргізілді. 1 - 4 сыныптардың 120-дан астам оқушылары және № 24, 27, 31, 34, 35, 2, 4, қаланың Кенжекөл ЖОМ-ның 5 - 7 сыныптары команда құрамында қатысты.
1-ші іріктеу турниріне 78 оқушы құрамында қаланың № 24, 27, 31, 34, 35 ЖОМ-ның 1 - 7 сыныптары қатысты. Іріктеудің шартына байланысты жартылай финалға тек I, II, III орын алған командалар ғана қатыса алады. Қызу жарыста шарықтау мәреге № 24 ЖОМ (I орын), № 41 ЖОМ (II орын), № 27 ЖОМ (III орын) командалары шықты.
Екінші күннің жартылай финал турниріне құрамында 50 оқушысы бар № 41, 24, 27, 2, 4, Кенжекөл ЖОМ командалары қатысты. Жартылай финал ойынның шарты бойынша мәреге тек I, II орын алған командалар ғана шығады. Турнирдің қорытындысы бойынша I орынды 24 мектептің, II орынды - № 41 ЖОМ-ның командалары игерді.
Шарықтау мәресі ақпанның 10 күні Павлодар қаласының № 27 ЖОМ-да болады. Жарыстың жүлдегерлері мен жеңімпаздары Павлодар қаласы білім беру бөлімінің кубогі және мадақтамаларымен марапатталады.

 

 

 

Мемлекеттік қызметтер