Павлодар облысының білім беру басқармасы

Электрондық поштасы - kense.do@pavlodar.gov.kz

Қабылдау бөлмесі – 8 7182 32-09-65

Сенім телефоны:
8 7182 320560

 

Құрметті Ата-аналар, ұстаздар, оқушылар!

Бүгін барлық қазақстандық түлектер үшін мектеппен қоштасуға арналған атаулы мереке. Сондықтан сіздерді соңғы қоңырау мерекесімен шын жүректен құттықтаймын!



    Осыдан 11 жыл бұрын тарыдай болып мектеп табалдырығын аттаған балалар бүгін таудай болып үлкен өмірге қадам басып отыр.
    Әр мектепте соңғы қоңырау мерекесі – бұл мектеп тарихына енетін көңілді әрі қуанышты оқиға.
   Түлектер өздерінің 11 жыл білім алған алтын ұяларымен қоштасса, ұстаздар өздерінің сүйікті шәкірттерін өмірге қанаттандырады.
    Барша жас түлектерді алда үлкен сын күтіп тұр. Барлықтарыңызға Ұлттық Бірыңғай тестілеуден абыроймен өтіп, Қазақстанымыздың білікті маманы атануларыңызға тілектеспін. Ал мектептегі алғашқы жылдарын сәтті аяқтап, бірінші сыныптан екінші сыныпқа аяқ басқан жас бүлдіршіндер мен барлық мектеп оқушыларына жазғы демалыстарын жақсы өткізіп, күш жинап, жайдары көңіл күймен жаңа оқу жылына оралуларыңызға тілектеспін.
    Сіздер бүгін үлкен өмірге жолдама алғалы тұрсыздар. Елбасы Нұрсұлтан Әбішұлы Назарбаев жас ұрпақ тәрбиесіне, білім беру ісіне ерекше назар аударып, Сіздердің сапалы білім алып, үлкен азамат болуларыңыз үшін барынша жағдай жасап отыр. Білімді, көзі ашық, көкірегі ояу болуға ұмтылу – біздің қанымызда бар қасиет -деп Ел басымыз айтқандай , бұл – рухани жаңғыруымыздың басты негіздерінің бірі.
  Үш тілді жетік меңгеріп, рухани бай, білімді азамат болыңыздар. Сосын мәпелеген ата-ана, білімге баулыған ұстаздарыңызды қадірлей біліп, солардың үмітін ақтауға тырысыңыздар. Бір сөзбен айтқанда еліміздің болашағы – Сіздердің қолдарыңызда.  Сондықтан да қай кезде де терең білім алу жолында жалықпай, талмай ізденіп, ел тізгінін ұстайтын азамат болуларыңызға шын жүректен тілектеспін. Ақ жол.


Құрметпен,
Қазақстан Республикасындағы
Бала құқықтары жөніндегі уәкіл                                                         З. Балиева

 


 

Майқайың кентінде “Нұрбөбек” балабақшасының ашылуы

IMG 1568

   2018 жылғы 5 ақпанда Баянауыл ауданы Майқайың кентінде 110-орындық «Нұрбөбек» балабақшасы ашылуы өтті.  Балабақша ашылуына Павлодар облысының әкімінің орынбасары Бауыржан Қазыбекұлы Қасенов қатысты. Бас мердігер “Б-АДК” ЖШС болып табылады (директор Е. К.Абенов).
   1-ден 5 жасқа дейінгі балаларды тәрбиелеу және оқыту үшін балабақшада жағдай жасалған. Топтық және ұйықтау бөлмелері балалар жиһазы, ойын зоналары, буфет бөлмелерімен жарақтанған, педагогикалық процесті ұйымдастыру үшін техникалық оқыту құралдары, балалардың денсаулығын жақсарту үшін ойын және спорттық құралдар бар (интербелсенді тақта, компьютерлер, караоке қосылған музыкалық орталық, теледидар).
   Майқайың кентіндегі «Нұрбөбек» жаңа балабақшаның ашылуы 1 жастан 6 жасқа дейінгі балаларды мектепке дейінгі тәрбиелеу және оқытумен қамту - 100%-ға ұлғайып, 51 адамды жаңа жұмыс орнымен қамтуға мүмкіндік береді.

IMG 1517

 

 

 

Мемлекеттік қызметтер