Павлодар облысының білім беру басқармасы

Электрондық поштасы - kense.do@pavlodar.gov.kz

Қабылдау бөлмесі – 8 7182 32-09-65

Сенім телефоны:
8 7182 320560

 

Құрметті Ата-аналар, ұстаздар, оқушылар!

Бүгін барлық қазақстандық түлектер үшін мектеппен қоштасуға арналған атаулы мереке. Сондықтан сіздерді соңғы қоңырау мерекесімен шын жүректен құттықтаймын!



    Осыдан 11 жыл бұрын тарыдай болып мектеп табалдырығын аттаған балалар бүгін таудай болып үлкен өмірге қадам басып отыр.
    Әр мектепте соңғы қоңырау мерекесі – бұл мектеп тарихына енетін көңілді әрі қуанышты оқиға.
   Түлектер өздерінің 11 жыл білім алған алтын ұяларымен қоштасса, ұстаздар өздерінің сүйікті шәкірттерін өмірге қанаттандырады.
    Барша жас түлектерді алда үлкен сын күтіп тұр. Барлықтарыңызға Ұлттық Бірыңғай тестілеуден абыроймен өтіп, Қазақстанымыздың білікті маманы атануларыңызға тілектеспін. Ал мектептегі алғашқы жылдарын сәтті аяқтап, бірінші сыныптан екінші сыныпқа аяқ басқан жас бүлдіршіндер мен барлық мектеп оқушыларына жазғы демалыстарын жақсы өткізіп, күш жинап, жайдары көңіл күймен жаңа оқу жылына оралуларыңызға тілектеспін.
    Сіздер бүгін үлкен өмірге жолдама алғалы тұрсыздар. Елбасы Нұрсұлтан Әбішұлы Назарбаев жас ұрпақ тәрбиесіне, білім беру ісіне ерекше назар аударып, Сіздердің сапалы білім алып, үлкен азамат болуларыңыз үшін барынша жағдай жасап отыр. Білімді, көзі ашық, көкірегі ояу болуға ұмтылу – біздің қанымызда бар қасиет -деп Ел басымыз айтқандай , бұл – рухани жаңғыруымыздың басты негіздерінің бірі.
  Үш тілді жетік меңгеріп, рухани бай, білімді азамат болыңыздар. Сосын мәпелеген ата-ана, білімге баулыған ұстаздарыңызды қадірлей біліп, солардың үмітін ақтауға тырысыңыздар. Бір сөзбен айтқанда еліміздің болашағы – Сіздердің қолдарыңызда.  Сондықтан да қай кезде де терең білім алу жолында жалықпай, талмай ізденіп, ел тізгінін ұстайтын азамат болуларыңызға шын жүректен тілектеспін. Ақ жол.


Құрметпен,
Қазақстан Республикасындағы
Бала құқықтары жөніндегі уәкіл                                                         З. Балиева

 


 

Кәсіби бағдарлаудың жаңа форматы

01-news-banner  

   Біздің өміріміз шынайы болып келеді. Бүгінгі күні біз әлеуметтік желілерде қарым-қатынас жасаймыз, интернетте: пошта, сайттар, іздеу жүйесі, Skype және көптеген басқа мемлекеттік қызметтерді алып, сауда жасаймыз.
    Қазіргі заманауи ақпараттық технологиялар әлемінде әр оқу орынның виртуалды кәсіби бағыт-бағдар беру кабинетімен жасақталған өз сайты болуы тиіс. Виртуалды кәсіби бағыт-бағдар беру кабинетінің өзі талапкерге немесе әдеттегі пайдаланушыға оқу орын, колледжің мамандықтары мен материалдық-техникалық базасы туралы барлық қажетті ақпаратты алуға мүмкіндік береді.
    Виртуалды кәсіби бағыт-бағдар беру кабинетін құру колледждерді жаңа деңгейге шығаруға және негізгі көрсеткіштерді арттыруға: бір орында ақпаратты сенімді сақтауды қамтамасыз ету және өзінің мүмкіндіктері, өзінің болашақ кәсіби жолы туралы алған білімін есепке ала отырып, мамандықты өздігінен таңдауға ұмтылуға мүмкіндік береді. Осыған байланысты, бизнес-колледж базасында білім беру басқармасының техникалық және кәсіптік білім беру бөлімінің оқу-әдістемелік кабинеті «Рухани жаңғыру» бағдарламасы шеңберінде 2018 жылғы 6 ақпанда басымдылықтар бойынша интерактивті кабинеттер құру мәселелері бойынша семинар өткізген болатын.
    Пайдаланушы үшін виртуалды кәсіби бағыт-бағдар беру кабинетінің сырттай қарапайым болғанына қарамастан жүйенің өзі біршама қиын. Бизнес колледж басшысының АТ жөніндегі орынбасары М.М. Рахимбаев атап өткендей виртуалды кәсіби бағыт-бағдар беру кабинетін құрған жағдайда edupvl.gov.kz аймағында домналық атты тіркеуді қарастырған және хостингті (VPS) сатып алған, сонымен қатар жеке серверді көшіру мүмкіндігі болғаны жөн.
    Техникалық және кәсіптік білім беру жүйесінде осындай заманауи компьютерлік технологиялар нысанын іске асыру бірыңғай медиабілім беру кеңістігін дамыту бойынша кешенді іс-шаралар мен тұтас жүйенің бір бөлігі болуы тиіс.

 

 

 

 

 

Мемлекеттік қызметтер